Pratenichki sostav
 
Пратенички состав

Понеделник, 15 ноември 2021

ОФИЦИЈАЛЕН ПРЕЧЕК НА ПРЕТСЕДАТЕЛОТ ЏАФЕРИ ВО АБУ ДАБИ

Во рамките на првата официјална посета на Обединетите Арапски Емирати на претседателот на Собранието на Република Северна Македонија, Талат Џафери и Делегацијата во состав: Хусни Исмаили, претседател на Пратеничката група на Собранието за соработка со парламентите на земјите од Блискиот Исток и Арапскиот Залив, Дарко Каевски и Бедри Фазли, членови, беше организиран официјален пречек од страна на г. Сакр Ал-Гобаш, спикер на Федералниот национален совет на Обединетите Арапски Емирати.

Господин Сакр Ал-Гобаш срдечно го поздрави претседателот Џафери и Делегацијата, истакнувајќи ја оваа прва историска средба како почеток на поблиски и подинамични билатерални односи. Тие се согласија дека градењето мостови меѓу граѓаните на двете држави треба да претставува императив за сите политички чинители, како надградба на стабилните политички врски и пријателските односи, сега и во иднина.

Двајцата претседатели изразија заемни уверувања за поинтензивна соработка на ниво на сите државни институции меѓу Република Северна Македонија и Обединетите Арапски Емирати, во сите домени, а особено ја потенцираа важноста од зголемена економска и трговска соработка. 

 

Видео

 

Веб-страницата на Собранието користи колачиња (cookies).

Колачињата се користат за подобрување на Вашето корисничко искуство.