Pratenichki sostav
 
Пратенички состав

2011

    

    Петок, 21 октомври 2011 година

    Проштална средба на претседателот Вељаноски со амбасадорот на Република Австрија, г. Алојз Краут

    Соговорниците се согласија дека односите меѓу двете земји се добри и на билатерален план и во рамките на меѓународните организации. Економската соработка има добра основа, особено поради фактот што една австриска банка е веќе присутна на македонскиот пазар и истата со себе носи импулс за дополнителни инвестиции од австриски компании

    повеќе...

    

    Вторник, 18 октомври 2011 година

    Претседателот Вељаноски оствари средба со емирот на Државата Катар, неговото височество шеикот Хамад бин Калифа ал Танин

    На самиот почеток на средбата, претседателот Вељаноски искажа уверување дека посетата значително ќе придонесе за натамошно унапредување на соработката со Државата Катар и размена на мислења по сите прашања од заеднички интерес на билатерален и мултилатерален план. Тој искажа задоволство од развојот на билатералните односи меѓу двете земји, кои ги карактеризира висок степен на пријателство и разбирање, при што нагласи дека постои голем потенцијал за натамошно унапредување во сите области од заеднички интерес, особено во економската сфера, со цел реализација на конкретни проекти за инвестирање во Република Македонија.

    повеќе...

    

    Четврток, 13 октомври 2011 година

    СРЕДБА НА ПРЕТСЕДАТЕЛОТ ВЕЉАНОСКИ СО ПАРЛАМЕНТАРНАТА ГРУПА НА НАРОДНОТО СОБРАНИЕ НА КУВАЈТ ЗА ПРИЈАТЕЛСТВО СО СОБРАНИЕТО НА РЕПУБЛИКА МАКЕДОНИЈА

    Претседателот на Собранието на Република Македонија, посакувајќи им добредојде на гостите истакна дека двете држави негуваат пријателски односи и соработка, дека постојат иницијативи за соработка во сите сфери. Претседателот Вељаноски нагласи дека двете држави треба да работат на поттикнување и отворање на можности за продлабочување на економската соработка, како и соработката на парламентарно ниво и на сите останати сфери од заемен интерес

    повеќе...

    

    Среда, 12 октомври 2011, Будимпешта

    СРЕДБА НА ПРЕТСЕДАТЕЛОТ ВЕЉАНОСКИ СО ПРЕТСЕДАТЕЛОТ НА НАЦИОНАЛНОТО СОБРАНИЕ НА УНГАРИЈА, Г. ЛАСЛО КОВЕР

    На средбата меѓу претседателот на Собранието на Република Македонија г.Трајко Вељаноски и претседателот на Националното собрание на Унгарија, г.Ласло Ковер беа потврдени одличните билатерални односи меѓу двете пријателски земји. Соработката интензивно се одвива на сите нивоа, за што сведочат неодамнешните средби и посетата на унгарскиот премиер Виктор Орбан на Република Македонија. На парламентарно ниво соработката успешно се одвива на ниво на комисии, пратенички групи и на највисоко претседателско ниво, а се имплементира и Меморандумот за парламетарна соработка потпишан пред неколку години

    повеќе...

    

    Вторник, 4 октомври 2011 година

    ПРОТОКОЛАРНA СРЕДБA НА ПРЕТСЕДАТЕЛОТ ВЕЉАНОСКИ СО НОВОИМЕНУВАНИOТ АМБАСАДОР НА РЕПУБЛИКА УНГАРИЈА

    Претседателот Вељаноски го поздрави фактот што од Република Унгарија доаѓа најголемиот инвеститор во земјава, и се заложи за понатамошна соработка во областа на  економијата. Соговорниците изразија верување дека Република Македонија наскоро ќе биде дел од Европската Унија и со тоа ќе се даде дополнителен придонес за регионалната стабилност и безбедност. Од страна на претседателот Вељаноски, беше нагласено дека Република Македонија иако не е членка на НАТО, таа ги превзема сите обврски како полноправна членка. Претседателот Вељаноски ги поздрави добрите односи меѓу двата парламенти, потсетувајќи на потпишаниот меморандум за соработка меѓу двата парламенти при официјалната посета во 2008 година.

    повеќе...

    

    Четврток, 29 септември 2011 година

    ПРЕТСЕДАТЕЛОТ ВЕЉАНОСКИ ОСТВАРИ СРЕДБА СО ПРЕТСЕДАТЕЛОТ НА ВЛАДАТА НА РЕПУБЛИКА ТУРЦИЈА, Г. РЕЏЕП ТАИП ЕРДОГАН

    На самиот почеток на средбата претседателот Вељаноски искажа задовоство од средбата и се осврна на традиционално добрите и пријателски односи меѓу двете држави. Во оваа смисла тој искажа благодарност за доследната и конструктивна поддршка на Турција и за солидарноста со Македонија во рамките на евроатлантските интеграции, а особено за принципиелната употреба на уставното име на нашата земја во билатералните односи и на меѓународен план.

    повеќе...

    

    Среда, 28 септември 2011 година

    ПРОТОКОЛАРНИ СРЕДБИ НА ПРЕТСЕДАТЕЛОТ ВЕЉАНОСКИ СО НОВОИМЕНУВАНИТЕ АМБАСАДОРИ НА КАНАДА И НА РЕПУБЛИКА АЗЕРБЕЈЏАН

    Претседателот на Собранието на Република Македонија, г. Трајко Вељаноски, оствари средба со новоименуваниот вонреден и ополномоштен амбасадор на Канада, Н.Е. Роман Вашчук, како и средба со новиот вонреден и ополномоштен амбасадор на Република Азербејџан, Н.Е. Фаиг Багхиров

    повеќе...

    

    Понеделник, 19 септември 2011 година

    Средба на претседателот Вељаноски со членот на Европскиот парламент и известувач за Република Македонија, г. Ричард Ховит

    На почетокот на средбата, претседателот на Собранието на Република Македонија, г. Трајко Вељаноски, направи кратка ретроспектива на настаните и постигнувањата на Собранието на Република Македонија во изминатиот период. Тој најпрво ги истакна позитивните постигнувања на Собранието во изминатите две години кои му донесоа позитивна оценка на Собранието во Извештајот за напредокот на Република Македонија, а кои придонесоа и за вкупните позитивни оценки за Република Македонија

    повеќе...

    

    Четврток, 15 септември 2011 година

    Претседателот Вељаноски оствари средба со потпретседателот на Постојаниот Комитет на Народниот Конгрес на Народна Република Кина г. Санг Гуовеи

    На средбата беа присутни и членови на Постојаниот комитет на Народниот Конгрес на Народна Република Кина: г. Сун Веншенг, г. Рен Маодонг, г. Џанг Баиџиа и г. Ли Џианг, а од македонската страна присуствуваа координаторите на пратеничките групи: г-ѓа Силвана Бонева, г. Талат Џафери, г. Игор Ивановски, г. Горан Мисовски, г. Рејхан Дурмиши и пратениците г. Антонио Милошоски, г. Александар Спасеновски, г. Гордан Георгиев и г. Менде Диневски.

    повеќе...

    

    Среда, 14 септември 2011 година

    Средба на претседателот Вељаноски со новоименуваниот американски амбасадор во Република Македонија, Н.Е. Пол Волерс

    Претседателот на Собранието на Република Македонија, г. Трајко Вељаноски, денеска го прими новоименуваниот амбасадор на Соединетите Американски Држави во Република Македонија, Н.Е. Пол Волерс. На средбата, претседателот Вељаноски искажа задоволство од постигнатото ниво на пријателски односи меѓу двете држави и од поддршката која Соединетите Американски Држави ѝ ја даваат на Република Македонија.

    Тој искажа убедување дека досегашната успешна комуникација и соработка ќе бидат дополнително унапредени во периодот кој следи, како во однос на продлабочување на парламентарната соработка меѓу двете земји, така и во однос на други прашања значајни за двете страни.

    Амбасадорот Волерс ја потенцираше подготвеноста на Соединетите Американски Држави да продолжи во заложбата за поддршка на Република Македонија.

     

    повеќе...

    Веб-страницата на Собранието користи колачиња (cookies).

    Колачињата се користат за подобрување на Вашето корисничко искуство.